Author: THANGAVELU CHINNASAMY

சொல் தமிழ் சொல் கோடி

வானாகி மண்ணாகி புல்லாகி மரமாக
        ஊனாக உயிராக நேசித்த தம்மிதழை
தானாக முன்வந்து தொடர்புக் கொண்டார்
     தானே சிறப்பு கண்டோர்; பெற்றார்.

புதுவை சுப்புரத்தினம் சுப்பையாவின் பாவினம்
     ஏதுவாய் கவிதையில் பதிவில் பாட்டைமைத்து
தூது விடு தத்தை தமிழ்
      காது குளிர கேட்கும் நற்றமிழ்.

நற்றமிழ் வல்லமை நெஞ்சில் நிற்கும்
     பற்றும் மொழி சொல்லும் அளவு
ஏற்றத் தமிழ் அறிந்து கொள்வகை
      ஏற்றுக் கொள்; தொடர் தமிழறிவு.

தமிழறிவு உள்ளத்தார்; வெளிநாட்டிலும் தொடர்ந்தார்
       தமிழ்ச் சொல்லில் பயிலக இயக்கம்
தமிழ் வரலாற்று நிலமெங்கும் பரவட்டும்
தமிழ்நாடுத் தன்னகத்து மொழி தானெங்கே?

ஏழைகளே நிறைவை கொள்வர்!

நாளின் கணிப்பு நம்மவர் கொண்டவர்
     ஆளின் கணிப்பில் நிலம் நீர்க்கொள்கை.
தாளில் பதித்து மதிப்புறு கொள்வர்
     அளித்திடும் தன்மையே இறைமை இயற்கை.

இயற்கை பங்கு காட்சிப் படலம்
      உயர மலரும் பூ மொட்டே
இயல் இசை திரிந்த காலம்
     வயல் வெளிப் பயணப் பாதையே.

பாதை வழி வகுக்கும் மரபு
     அதை யதை அறிந்த பழக்கம்
சதை சத்து தைத்த உணவும்
      இதை அதனதன் தொகுத்த  தொகுப்பு.

தொகுப்பு தேர்வு மூலக் குறியீடு
      பகுப்பு பேராற்றலே சுற்றும் சுடர்
தகுதி தரம் குணம் திறன்
     வகுக்கும் பொழுது உடம்படும் மெய்யியல்.

மெய் இயல் பொருள் தரும்
     உய்ய உயர மலரும் பண்புகள்
ஆய்ந்து வேரை பற்றும் புவியடி
      ஏய்த்து பிழைக்காதே உளமார உழை.

உழைப்பு என்றும் தராசுப் படிக்கல்
    வாழை மரம் வாழ வேண்டும்
தழைக்கும் துளிர்களே துணைக் கன்றுகள்
    ஏழை எளியோர் சிந்தும் வேர்வை.

வேர் தண்டு நிமிர்ந்த நடை
     பார்க்கும் வண்ணம் மகிழ்ச்சி தரும்
ஊர் உலகம் போற்றிடும் தன்மை
      பாரில் அவருக்கே கொள்முதல் இணைப்பு. 

இணைப்பு பயன்படும் ஆண்டு தோறும்
     பிணைப்பு ஒட்டும் நிலம் நீர்ச்சுற்று
துணைப் பகுதி வரவு வரையறை
      ஆணை ஒழுங்கில் அமைப்பது நிறையும்.
    

அகத்தில் போட்டாலும் அறிந்து போடணும்.

அகம் கொள்ளும் மரபணு படியும்
     ஆக மொத்தமென வளரும் தரம்
உகந்த கால வரை அளவில்
      வகுத்து கணித்து வெளி வரும்.

வரும் மெய் ஞானம் பெறும்
      தரும் நிலம் புவி வளம்
பருப் பொருள் ஊடக மையம்
     வருவாய் கொள்ளும் இயற்கை பங்கு.

பங்கு காட்சி தரும் வழிபாடு
     அங்கம் மகிழும் வண்ணம் பண்பு
தங்கள் புரிதலும் நட்புமே உறவு
      இங்கு வாழும் இறைமை என்க.

பூரணமே

பூ பூத்த பூவின பூரணமே
பூ பூர்வின பூர்வீக பூரணமே
பூ பூக்கும் பூக்கள் பூரணமே
பூ பூர்வக் குடி பூரணமே.

பூ பூராவும் ஒக்கும் பூரணமே
பூ பூமலர்ந்து உதிக்கும் பூரணமே
பூ பூமணம் கமழும் பூரணமே
பூ பூவிழித் தாங்கும் பூரணமே.

பூ பூவெளித் தோற்றம் பூரணமே
பூ புவியின உயிரியப் பூரணமே
பூ பூத்ததனி பிறப்பின பூரணமே.

பூ பூவாசம் உணரும் பூரணமே
பூ பூவகை அறிந்துணரும் பூரணமே
பூ பூக்கனியாய் பழமாகும் பூரணமே
பூ பூவான மெய்யறியா பூரணமே.

மங்கல தமிழாண்டு வாழ்த்து மடல்

மங்கல தமிழாண்டு வாழ்த்து மடல்

மங்கல ஆண்டு வாழ்த்து மடல்
திங்கள் தோறும் வாழும் வாழ்வு
அங்கம் வகிக்கும் நற்பணி இயல்பு
தங்களுடன் பதிவதில் மகிழும் உள்ளம்.

உள்ளத்தின் உறுதி செயலுடன் ஆற்றல்
பள்ளம் மேடு பார்த்து நிமிர்நடை
அள்ளும் பகலும் அலைந்து புரிந்த
கொள்ளும் அளவு நீரகம் உள்ளகம்.

உள்ளகம் கொண்டே உயிரதன் உணர்வு
அள்ளி அணைத்திடும் அன்புடன் கூறும்
துள்ளல் பெருமகிழ்வு மனித உயிரியம்
உள்ளிட்ட அறிவின குறியீடு தோன்றும்.

தோன்றும் முன் படக் காட்சி
அன்று முதல் அசைவில் ஓசை
நின்று நிதானித்து புரியும் படிநிலை
ஊன்றிய குறியீட்டில் ஒன்றி அறியும்.

அறிந்து கொள்வன ஆறுதல் கூறும்
கறிகாய் கொண்டு உண்ட உணவு
வறியவை போக்கிய திணைத் துறை
பறித்துண்ண செடி
கொடி கனிகள்.

கனிகள் விதைகள் மூலமே நாளும்
இனியவையே என்று சொல்லும் அளவு
பனிக்கட்டி உடைந்த நீர்த்துளி
நனிசுவை உணர்வு தம்மிதழ் ஒலிக்கும்.

ஒலிக்கும் ஒலி உள்ளெழும் குறியீடு
ஒலியோசை அறிந்தவை பாடலில் வரும்
ஒலியினில் எழும் புரிதலே மொழி
ஒலிப்பு முறையில் இனமொழி மரபு.

மரபு வழி இலக்கு இலக்கியம்
இரவு பகல் ஒளிரும் கலைத்
தரம் உயர்த்தி காதல் கொள்ளும்
வரிசை கட்டி வளரும் தலைமுறை.

தலைமுறை தழைக்க வேண்டிய கணம்
அலை அலையாய் வீசும் காற்றில்
வலைப்பதிவு தேடல் வினவல் இலக்கணமும்
கலைச் சொல்லும் அக்கணமே தமிழருவி

தமிழி எழுத்துருவில் அருவி போலிசை
உமிழ்நீர் சுரப்பில் வாயசைவில் இசைவோம்
தமிழ் சொல்லில் மங்கல பொழிவுடன்
தமிழ் பாயிரத்தினில் ஒருவருக்கொருவர் வாழ்ந்திடுவோம்.