தடம்
குறியீடு அறிவதே அறிவின் தடம்
அறிந்து பேசுவதே கொள்கை.
கடல் உணவில் பெற்ற உயிரினம்
அடல்வண்ண வலிமை பெற சமைத்து
குடல் உறுப்புள் செறிவு காண்
உடல் உடன்படும் உயர் பிறவி.
பிறவித் தொடர் நிலைப்பு ஆற்றல்
உறவு கொள்ளும் பாதை முறை
அறத்தில் இயங்கும் அகத்தில் பதிவது
மறவாது செய்யும் செயல் முறைமை.
முறைசார் கல்வி அறிவும் பயிலும்
நிறைவள நினைவகக் கூடும் கூடுதல்
நிறை வாழ்வு தரும் கதிரொளி
மறை திறன் கொண்ட குணம்.
குணமாகும் வரை எங்கும் நிறைவே
கணம் உள்ள உள்ளறை கலைவாணி
பணப் பரிமாற்றம் பழக்க வழக்கம்
மணம் புரியும் நிலையில் மாறும்.
மாறும் சுழற்சியில் வீடும் நிலமும்
ஆறும் கடலும் மேலோட்டம் நகருவதும்
ஊறும் நீர்மம் இருப்பும் ஓரிடமே
ஏறும்விலை நிலப்பரப்பில் வாழ்க்கை.
வாழ்நாள் முழுதும் உணரும் சமயம்
ஆழ்கடல் அமைதியுள் சுட்டும் பிறப்பிடம்
தாழ்நிலப் பகுதியும் நகருமென அறிவாய்
வாழ்வு தரும் கதிரொளி வீச்சு.
வீச்சில் சுழலும் வேகத்து ஆற்றலில்
மூச்சுக் காற்று நொடிக்கொரு சுற்றும்
அச்சில் சுழலும் நிலையும் உயிரினச்சுழற்சி
பச்சை பசுமை நிலைக்கடலும் வேகச்சுழற்சி.
வேகத் தடம் பதித்த புவியின்
பாகம் யாவும் அறுபது நொடிதனில்
அகப் புவியியல்பும் இருபத்தொயிரம் இலட்சம் !
வேகமாய் சுற்றுகிற உலகும் நிலையிருப்பே.