Author: THANGAVELU CHINNASAMY

திசுக்கள் திசை சுழலும் ஆற்றல்
உசுப்பி விட்டு உயிர் வாழ
தசையின் கண் கணம் தோறும்
ஆசை அணை போட்டு நிலைப்பாடும்.

மண்ணில் நல் உருவாக்க காய்கறிகள்
உண்ணும் உணவாக உள் செல்லும்
உண்மை உயிர்ப்பு அங்கே
குருதி
அண்மைத் தொடர்த் தொகுப்பு தன்மை.

கருத்தாக்க கருவிதனில் மூளை முடிச்சு
உருவாக்க நாடி வரும் செயல்
தருண வெளி தொடர்பின் வடிவம்
இருப்பு கொள்ளும் வகை கொள்ளளவு.

கொள்ளும் பசைச் சருமம் உலவும்
அள்ளும் அளவுப் பணி யாவும்
தள்ளும் பல பகுதிக் குறியீடு
உள்ளும் உள் உணர்வு பகுப்பாய்வு.

பகுதி குறி பார்க்கும் பொழுது
தொகுதிக் கணைத் தொடும் அளவு
தொகுப்புத் தேர்வு ஆக்கம் தாங்கும்
வகுக்கும் பிரிவு வரிசை ஆகும்.

சொல்லால் நிலை நிறுத்தும் செல்
வல்லமையில் வழி காட்டும் கரு
நல்லமைவில் தொடராகும் வழி போக்கு
உல்லாச ஊர்தியில் செயலாக்கத் திசு.

மொழி பரிமாற்ற முறைமை வேண்டி
வழி நெடுக ஆற்றிடும் அறிவு
தொழில் தொடர படிவம் வடிவம்
எழில் கொஞ்சும் தோற்றத் தொகுப்பு.

ஏடு கண்டார் பாவில் படித்தார்
நாடு நாடி பாட்டு பாடினார்
காடு காக்க காப்புறுதி செய்தார்
ஊடு பொருள் பயிர் விதைத்தார்.

சுழியமா ஒன்றாவென ஒன்றில் ஒன்றி
ஊழியம் செய்திட பொறி இயலி
நாழியில் குறியீடு நகரும் செயல்
தமிழி எழுத்துரு தத்தம் இதழோசை.

குறை கண்டு சரி செய்ய
முறை மொழி மாந்தர் பயில
அறை இலக்கு இயலாக இயற்றிடும்
துறை தோறும் மாற்றிடும் பணி.

செல்லும் செல் வழி செயல்படும்
நல்வழி சேவை பெறும் பாலர்
வல்லமை கொண்டத் திசுக்கள் மலரும்
பல்வினை யாவும் ஓர் வகைப்பாடே.

சேவை வகை சேர்க்கும் வையகம்
பார்வை பார்ப்பதில் கோடி நரம்பியல்
தேர்வுத் தொடரில் தேவைப் படுவோர்
உயர்வில் உயிரும் நிறைவுத் துறையே.

மூளைத் தொடர்பு படிகளின் வடிவம்
நாளும் நாரும் ஊரும் சத்து
தோளும் துடிப்பு மிக்கத் தருணமே
ஆளும் தரத்தை ஆளுமை ஆற்றும்.

சங்கம் மருவிய காலத்தின் இசை
பங்கம் இல்லா பெருமித வாழ்வு
தங்கம் மின்னும் பொருளின் சேர்க்கை
அங்கம் தாங்கும் செல்லும் வழியே.

ஒழுங்கு முறை ஆடை அணிகலன்
தழுவிய மொழி பேசும் முறைமை
இழுத்து வந்து சேரும் காலம்
கழுத்து மார்பின் மூக்கின் ஒலி.

காலந் தோறும் அறிவியல் தோற்றம்
உலகின்  வேலைப்பாட்டு உள்ளத்தின் தேற்றம்
நிலவுகின்ற எடிசன் எணினித் தொடர்
தலை கால் நரம்பின் பயணம்.

எழு உத்துப் பார் உயிரின உரு ” எழுத்துரு “
தொழுது பாடிடும் பண்பு
” இசைத் தமிழ் “
குழுவும் நாடிடும்  நடன அகம் ” நாடகம் “
எழும் அசை  ஏழு சுரங்களில் ” பண் “.

நெடில் உயிரெழுத்துரு ஒலியின்  ” ஆரோசை “
” அமரோசை “

குடிலினில் ஆற‌ அமர வைக்கும் ” எழிலோசை “

ஊடி உறவாடி மலரில் ஒலிக்கும் ” வண்டோசை “

நாடி நரம்பு உணர்வினில் கலந்திடும் ” தமிழிசை ” .

‘ஆ’வென்று ஒலி ஓங்கி ஒலிக்கும் ” குரல் “

‘ஈ’ வென இரங்கி துதி பாடும் ” துத்தம் “

‘ஊ’வென்றும் ஊரெங்கும்
கிளை பெருகும்
” கைக்கிளை “

‘ஏ’வெனும் ஏற்பாட்டுடன் உழைக்கும்  ” உழை “

‘ஐ’ என இணைந்து ஐக்கிய வழிகாட்டி ” இளி “

‘ஓ’ வென ஓங்கி  விளக்கமுடன் ” விளரி “

‘ஔ’ வில் தாள முறை தளவோசை ” தாரம் “

எழில் பொங்க பாடும் இசை ” தமிழோசை. “