Author: THANGAVELU CHINNASAMY

ஆளும் தரத்தை நிறைவில் பெருக்கு
நாளும் நினைத்து செயலில் பெருக்கு
தோளும் துணையாக வேள்வியில் பெருக்கு
பளுவும் பொருளினை கண்டு பெருக்கு.

தாரம் தமிழொலியால் இசைத்து பெருக்கு
நேரம் காலம் ஆய்ந்து பெருக்கு
ஆரம் புவிசார் இடமறிந்து பெருக்கு
ஓரம் போகும் வழியறிந்து பெருக்கு.

கூட்டலை சைகை நிலையினைப் பெருக்கு
இடரிடத்து கழித்து நோகாது பெருக்கு
தொடரும் ஆக்கம் தொடரட்டும் பெருக்கு
மாடம் பாடம் எதென பெருக்கு.

மாதம் மாறி மாசியில் பெருக்கு
வேதம் விவேக விரைவுப் பெருக்கு
நாத விந்து கலாபப் பெருக்கு
ஊத காலத்தும் உயிரதனைப் பெருக்கு .

தென்மேற்கு பருவத்தில் விதைத்து பெருக்கு
நன்னெறி வேளாண்மை நிலத்தில் பெருக்கு
பொன் நதி வயலினைப் பெருக்கு
இன்சொல் இன்முகத்தை இன்பத்தினைப் பெருக்கு.

வாடி பெருக்கு நிகரின பெருக்கு.
நாடி பெருக்கு நடந்து பெருக்கு
ஓடி பெருக்கு ஓய்வினில் பெருக்கு
ஆடி பெருக்கு பாடி பெருக்கு.

தந்தம் கொண்ட யானை தரணிக்கு சிறப்பு
பந்தம் உள்ள அகவை அண்டம் சுற்றும் அளவு
நன்று பற்றும் உறவும் நின்று நிலைக்கும்
என்றும் அறிந்து கொள்ள
முடியும் எனும் முனைப்பே.

கங்கை நதி நீர் நிலம்
மங்கை நீ வாழும் வாழ்வு
தங்கை தம்பித்துணை நம்பும் நலமே
எங்கும் எதிலும் வெற்றி தரும்.

கடக்கும் ஒவ்வொரு செல்லும் நொடியும்
கடந்து உள்ளே செல்லும் உள்ளமும்
நடந்து நிலைக்கும் மலர்ச்சி பருவம்
உடன்பாடு கொண்டே உறுதி பெறும்.

நல்வரவு இசைவில் நிறைவு காண்
இல்லம் இன்பம் மழலைக் குழந்தை
அல்ல பெரிய தொடரும் உயிரே
வல்லுநர் முனைவர் பட்டம் முனைந்த செயலே.

நிறைந்து பெருகும் வடிவ நிலையும்
உறைந்து ஊர்ந்து செல்லும் வழியும்
மறைந்து விடும் படத்தின் மூலமும்
இறைந்து வழங்கும்  கொடை இயற்கை.

மொழி முறைமை நிறைந்தவை நட்புலகமே.

நண்பர்கள் கூடுவர் நாடுவர் தேடுவர்
பண்புகள் கொண்டு பகுத்து அறிவது
மாணவர்கள் பருவத்தில் தொடங்கி வளர்வது
ஆண்டுகள் சென்றிடினும்
நிற்கும் நிலைக்கும்.

பற்பல பருவத்தின் பாங்கான பாசமது
சிற்சிலர் சிந்திப்பர் பழகுவர் தொடர்வர்
குற்றம் குறை கண்டும்
காணாது
மாற்று வழியுடன் மாட்சிமை பொங்கும்.

தேவை சேவையெனும் தொழிலும் தொடரும்
பார்வை பலவாறு திருப்பும்
திரும்பும்
இவை இவை வாழ உதவும்
எவை எவையென மலரும் பரவும்.

நாளும் பல நல் நிலை
தோளும் நரம்பும் தவழும்
மகிழும்
ஆளும் அறிவும் ஆற்றலும் அறிவிப்பும்
இளம் வயதுப் பருவமே என்றும்.

இயல்பு பல்கும் நல்லது நல்கும்
பயிலும் முறை நாளும் நட்பும்
ஆய்வு நிகழ்வு மேலும் நடக்கும்
பாயும் பாதையும் பாதுகாப்புடன் பயணிக்கும்.

வாழ்வும் வாக்கும் மனமும் மெய்யும்
ஆழ் கடல் நீர் போக்குடன்
வாழ்த்தி வணங்கி வேருன்றிய பல
மொழி முறைமை நிறைந்தவை நட்புலகமே.

உள்ளத்தில் உள்ள உறவு
அள்ள அள்ள நிறைவே
மெல்ல மெல்ல எழும்
நல்நிலை நட்பும் காணும்.

புதுப்பிக்கும் நாளொன்றும்
இது போலொரு நிலை வருமென
ஊர்ந்து  செல்லும் காலம்
கவர்ச்சி மிக்கோர் வியூகம்.

கல்லில் இருந்து கல்லூரி அமைத்தோம்
நெல்லைக் கண்டு கூன் நிமிர்ந்தோம்.
எல்லையற்ற அன்பினை இணைக்க
தொல்லையற்ற தொடர்பே படிமலர்ச்சி.

சங்கம நிகழ்வு இது
அங்கம் வகிக்கும் மெய்
நம் நாட்டகம் நாமறிய
ஆம் நிறைவுச் சுழலே புவி.

செவி செயல் நிலை
கவி பாடும் பாடல்
ஆவியாகும் கடல் நீரும்
ஓவியமாகும் உயிர்ப்பு.