Author: THANGAVELU CHINNASAMY

சுழளாதாரம் – எணினிவரையறை

அகத்தில் உள்ள எழுச்சி வகை
ஆக்க அறிவு உணர்ச்சி நினைவகம்
உகந்த நேர காலத்தில் புரியும்
ஊகம் கொண்ட தொடர் மதி.

மதிப்பு கூட்டி பொருள் தேடும்
ஆதி அந்தம் தொடர்பு படிவம்
பதிவு பெற்று மனதில் தங்கும்
நதிநீர் ஊற்றுப் போல் செல்லும்.

செல்லும் வழி வகுக்கும் பொழுது
நல்வினை ஆக்கம் தரும் புவிதளம்
பல்பொருள் அறிந்து கொள்ளும் உணவு
நல்ல வேலைத் தொடரே தொழில்.

தொழில் நுட்பம் புவிசார் குறியீடு
வழிவகுத்த நிகழ்வு வணிகச் சேவை
தொழிலாளர் செயல் திறனே நிதி
வழிகாட்டிய அறிவுசார் உரிமை கொள்கை.

கொள்ளும் கொள்ளளவு தொடுதிரை காட்சி
அள்ளி அணைக்கும் சொத்து யாவும்
தள்ளிய கொள்தள மூல
நிறைவே
கொள்ளை இலாபம் பெருக ஈடுபடும்.

ஈடுபடும் பகுதி தொகுதி இருப்பு
பாடுபடும் சிலர் பலத்தின் விளைவு
ஊடும் ஒன்றிய குழு விளக்கம்
நாடு நாடும் நாடிய அரசியலே.

அரசியல் சமூகம் சார்புக் கருவியம்(Hardware)
தரவுத்தள இணைப்பு நீர்மை நிறை(Liquidity)
வரவு செலவு திட்ட விதி
ஆரத் தழுவி எடுக்கும் வரி.

வரி வரிசை வருவாய் வட்டம்
தெரிவித்து மகிழும் வண்ண நலன்கள்
உரிமை விதிப்பு ஒப்பந்த ஆணை
பரிவு கொண்டு பேசும் வழங்கும்.

வழங்கும் வழக்கம் நாணய அலகு
ஆழ ஊடுவிக் கொள்வோர் கொள்வர்
பழகும் வாய்ப்பு வாழும் வாழ்க்கை
கழகம் கட்சிப் பிரிக்கும் வைப்பகம்.

வைப்பகக் குறியிலக்கு
பற்றாக்குறை நிலவும்
ஒப்பி செயலாக்கத் துறை சாரும்
தப்பிய குறியீட்டு அடுத்தொரு பகிர்வு
உப்பி ஆண்டுக்கொரு மறு சீரமைப்பு.

சீர்மை கருதி விளிம்பு நிலையோருக்கென
ஆர்வ மிகுதியில் அணைக்கும் தெரிவிப்பு
தேர்தல் கொண்டே இருக்கும் வாக்கு
நேர்மை சமத்துவ சமயப் பேச்சு.

பேச்சு பேட்டி கண்டு கேட்க
உச்சியில் நின்று உரக்கச் சொல்வர்
பச்சை பொய்யை மறைக்க எதிரியை
உச்சிமுதல் பாதம்வரை நஞ்சு வீச்சு.

வீச்சில் விழும் விழுக்காடு மக்கள்
கச்சை கட்டி தெருவில் தேர்வு
நச்சை புகுத்தி நாசம் நட்டம்
தச்சு வேலைக்கும் இடமும் இல்லை.

இல்லாதோருக்கே இருப்பிடம் என சுற்றி
பல்லுயிர் வளம் சந்ததி விருத்தி
நல்திசை பற்றும் அட்டைப் படம்
கல்விக் கண்ணே திறந்த வைப்பு.

வைப்பக விலை விதிப்பு ஏற்றம்
வைப்பக நாணயம் கொண்டோர்க்கு செல்லட்டும்
வைப்பகநிதி இலக்கு இல்லாதோருக்கு தரநிதியென
உப்பிய சுழளாதார எணினி வரையறையாகட்டும்.

சொல்லொலி இயல்

தொன்மை பதித்த பதிவர் தொல்காப்பியர்
பன்மை வடிவ எழுத்துரு சொற்கள்
நன்மை தரும் தொடரே பொருட்கள்
தன்மை கொண்ட பண்பைப் பாடு.

பாடும் பணி ஏற்கும் வகை
நாடும் நாளும் இணையும் இணைப்பு
காடும் மலையும் இயற்கை பங்கு
தேடும் வழிமுறை ஒன்றே ஒன்றும்.

ஒன்றிய யாவும் நேரலைத் தொடர்
சான்றோர் வாக்குப் பதிவே மொழி
நன்றி “ஐயா” என ஒலிப்பும்
ஊன்றி கற்போம் ‘ஐ’ம்புலன்களில் ‘யா’ப்பு.

யாப்பு கொள்ளும் இலக்கு அகராதி
தப்பு இல்லாது கற்கும் சொற்கள்
எப்படி அடையும் வழியென ‘அணி’
ஒப்புதலில் அக்கணமே புரிதலே இலக்கணம்.

புவியடித்தள பறிப்பு
உயிரணு இறப்பு.

புவியடித்தள பறிப்பு
உயிரணு இறப்பு.

நிலத்தடி நீர் காக்கும் புல்வெளி
      பலபொருள் ஆக்கம் ஆற்றலே மாற்றம்
நலம் தரும் யாவும் பல்லுயிர்
     வலம் இடம் வளரும் தன்மை.

தன்மை கொண்டதே உயிரிய வாழ்வு
      நன்மை அடித்தரை வளமை நீரக
மேன்மைத் தோற்றம் புவியினப் பசுமை
       இன்பம் துன்பம் ஒருநிலைக் காண்.

காண்பதும் கேட்பதும் உணர்வு கொள்ளும்
      உண்ணும் உணவுப் பொருள் உள்ள
மண்ணும் கலப்பில் வளரும் விதையும்
     விண்ணின்று  பொழியும் மழையின் அளவே.

அளவுகோல் இருப்பு நிலைக் கலம்
      வளவு எனும் வளையமே நிற்கும்
பிளவை புவியடிதனில் விரிக்கும் தொழில்
      விளங்குமா என்றும் கேள்வியைத் தொடு.

தொடர்ந்த நடை முறைத் தகுதி
     கடந்த கால அறிவின் சார்பு
ஊடகம் கொள்ளகம் வீடு பேறுகள்
இடமறிந்து செய்யும் செயலே நிலைப்பு.

நிலைப்பில் நதி செல்லும் நீர்
     தலைப் பகுதி மிகுவது ஓடும்
ஆலைத் தொழில் நுட்பக் கழிவும்
      கலையினச் சேர்ப்பில் வளமை கொள்வாரோ!

கொள்வார் கொள்வதை கொடுப்பதே நல்சேவை
     வள்ளல் எனும் வணிக இலாபம்
தள்ளுபடி விலையில் தருதல் நன்று
       கொள்முதல் நிலம் நிலைக் கழிவு நீர்.

நீரும் நிலமுமே மேல்தட்டு அடுக்கு
      வாரும் வாயு மண்ணீர் கலப்பு தரும் புவியடி நம்மை கவிழ்க்கும்!
     வரும் வருமானமோ! அனைவருக்கும் சுகமோ?