Author: THANGAVELU CHINNASAMY

விண்முட்டும் வியப்பு கண் சொக்கும் அமைப்பு
பண்ணில் பாவை  விழியும் பேசும்
கண்ணாரக் கண்டுள்ள கணக் கிலாதோர்
ஊண் உண்டு உயிர்வாழ கருவன்றோ!

நம் மெய்யும் மொழியும் மனமும்
தம் தேசம் என்போர் பலர்
உம் ஊரும் பேரும் புகழும்
தத்தம் நிறைவே நினைவில் கொள்வோம்.

மனிதம் காக்க உயிர்கள் போராடும்
புனிதம் போற்ற துறவிகள் உண்டு
நனி நன்றி நனவிலும் கனவிலும்
இனிய இசை தமிழ் இசைவு.

கன்னித் தமிழ் இன்பத் துளி
இன்னிசை வெண்பா அறிவுச் சுடர்
அன்பு பண்பினில் பாசப் பிணைப்பு
இன்பம் பெருகும் துன்பம் துடைக்கும்.

வானமளவு வளர்ந்திடும் உறவு பெண்
தானமவள் மேகமவள் சிந்திடும் தூரலவள்
நன்னெறி வளமூட்டுபவள் மண்ணின் செழிப்பு மவள்
பொன்னியவள் கங்கையவள் நைல் நதியுமவளே.

தொடர் உருநிலை வரும் வரலாறு
ஊடகத் தமிழ் அகத்தின் வரிகள்
இடர்பாடு இல்லா மூளை நரம்பும்
கடல்சார் புவிச் சூழலிலும்  நிலைக்கும்.

ஆளும் தரத்தை நிறைவில் பெருக்கு
நாளும் நினைத்து செயலில் பெருக்கு
தோளும் துணையாக வேள்வியில் பெருக்கு
பளுவும் பொருளினை கண்டு பெருக்கு.

தாரம் தமிழொலியால் இசைத்து பெருக்கு
நேரம் காலம் ஆய்ந்து பெருக்கு
ஆரம் புவிசார் இடமறிந்து பெருக்கு
ஓரம் போகும் வழியறிந்து பெருக்கு.

கூட்டலை சைகை நிலையினைப் பெருக்கு
இடரிடத்து கழித்து நோகாது பெருக்கு
தொடரும் ஆக்கம் தொடரட்டும் பெருக்கு
மாடம் பாடம் எதென பெருக்கு.

மாதம் மாறி மாசியில் பெருக்கு
வேதம் விவேக விரைவுப் பெருக்கு
நாத விந்து கலாபப் பெருக்கு
ஊத காலத்தும் உயிரதனைப் பெருக்கு .

தென்மேற்கு பருவத்தில் விதைத்து பெருக்கு
நன்னெறி வேளாண்மை நிலத்தில் பெருக்கு
பொன் நதி வயலினைப் பெருக்கு
இன்சொல் இன்முகத்தை இன்பத்தினைப் பெருக்கு.

வாடி பெருக்கு நிகரின பெருக்கு.
நாடி பெருக்கு நடந்து பெருக்கு
ஓடி பெருக்கு ஓய்வினில் பெருக்கு
ஆடி பெருக்கு பாடி பெருக்கு.

தந்தம் கொண்ட யானை தரணிக்கு சிறப்பு
பந்தம் உள்ள அகவை அண்டம் சுற்றும் அளவு
நன்று பற்றும் உறவும் நின்று நிலைக்கும்
என்றும் அறிந்து கொள்ள
முடியும் எனும் முனைப்பே.

கங்கை நதி நீர் நிலம்
மங்கை நீ வாழும் வாழ்வு
தங்கை தம்பித்துணை நம்பும் நலமே
எங்கும் எதிலும் வெற்றி தரும்.

கடக்கும் ஒவ்வொரு செல்லும் நொடியும்
கடந்து உள்ளே செல்லும் உள்ளமும்
நடந்து நிலைக்கும் மலர்ச்சி பருவம்
உடன்பாடு கொண்டே உறுதி பெறும்.

நல்வரவு இசைவில் நிறைவு காண்
இல்லம் இன்பம் மழலைக் குழந்தை
அல்ல பெரிய தொடரும் உயிரே
வல்லுநர் முனைவர் பட்டம் முனைந்த செயலே.

நிறைந்து பெருகும் வடிவ நிலையும்
உறைந்து ஊர்ந்து செல்லும் வழியும்
மறைந்து விடும் படத்தின் மூலமும்
இறைந்து வழங்கும்  கொடை இயற்கை.

மொழி முறைமை நிறைந்தவை நட்புலகமே.

நண்பர்கள் கூடுவர் நாடுவர் தேடுவர்
பண்புகள் கொண்டு பகுத்து அறிவது
மாணவர்கள் பருவத்தில் தொடங்கி வளர்வது
ஆண்டுகள் சென்றிடினும்
நிற்கும் நிலைக்கும்.

பற்பல பருவத்தின் பாங்கான பாசமது
சிற்சிலர் சிந்திப்பர் பழகுவர் தொடர்வர்
குற்றம் குறை கண்டும்
காணாது
மாற்று வழியுடன் மாட்சிமை பொங்கும்.

தேவை சேவையெனும் தொழிலும் தொடரும்
பார்வை பலவாறு திருப்பும்
திரும்பும்
இவை இவை வாழ உதவும்
எவை எவையென மலரும் பரவும்.

நாளும் பல நல் நிலை
தோளும் நரம்பும் தவழும்
மகிழும்
ஆளும் அறிவும் ஆற்றலும் அறிவிப்பும்
இளம் வயதுப் பருவமே என்றும்.

இயல்பு பல்கும் நல்லது நல்கும்
பயிலும் முறை நாளும் நட்பும்
ஆய்வு நிகழ்வு மேலும் நடக்கும்
பாயும் பாதையும் பாதுகாப்புடன் பயணிக்கும்.

வாழ்வும் வாக்கும் மனமும் மெய்யும்
ஆழ் கடல் நீர் போக்குடன்
வாழ்த்தி வணங்கி வேருன்றிய பல
மொழி முறைமை நிறைந்தவை நட்புலகமே.